ಹಳ್ಳಿಯ ಹುಡುಗಿಯ
ಮೆಲ್ಲನೆ ನಡಿಗೆಯ
ನೋಡುತ್ತ ನಾ ನಿಂತೆ
ಆದರೆ
ಮನದಲ್ಲಿ ಬೇರೇನೋ ಚಿಂತೆ
ಹೊಲವೆಲ್ಲಾ ಹಸಿರು
ಕಾಲುದಾರಿ ಕೆಸರು
ಕಲ್ಲುಮುಳ್ಳು ಒಂಚೂರು
ಹೆಜ್ಜೆ ಹೆಜ್ಜೆಗೂ ಹುಷಾರು
ಹತ್ತಾರು ಯೋಜನೆಗಳು
ಹಲವಾರು ಮಂತ್ರಿಗಳು
ಹಾಳೆಯ ಲೆಕ್ಕದ ರಸ್ತೆಗಳು
ಹುಟ್ಟಲು ಕಾದಿವೆ ಹಗಲಿರುಳು
ಏನೇನೋ ನೆನೆಯುತ್ತ
ಮತ್ತೊಮ್ಮೆ ಅವಳತ್ತ
ಏರಿಳಿತ ಎದೆ ಬಡಿತ
ಪ್ರೀತಿಯ ತಕದಿಮಿತ
ಹಳ್ಳಿಯ ಹುಡುಗಿಯ
ಮೆಲ್ಲನೆ ನಡಿಗೆಯ
ನೋಡುತ್ತ ನಾ ನಿಂತೆ
ಆದರೆ
ಮನದಲ್ಲಿ ಬೇರೇನೋ ಚಿಂತೆ.... !!
*ಪಿಪಿಕೆ*
No comments:
Post a Comment