ಯೋಚನೆ ಮಾಡು ಓ ಮನುಜ

ಯೋಚನೆ ಮಾಡು ಓ ಮನುಜ 

***********************************

ರಾಜಕೀಯ.... ಎಲ್ಲಾ ಸುಳ್ಳು

ರಾಮರಾಜ್ಯ ಕನಸದು ಕೇಳು

ಓಟಿಗೊಂದು ನೋಟು ಆ ದಿನಗಳು

ಓಟಿಗಾಗಿ ಏನೇನೋ ಈ ದಿನಗಳು

ನೀತಿ ನಿಯಮ ಗಾಳಿಗೆ ತೂರಿ

ಬಡವರೆದೆ ಮೇಲೆ ಕಾಲು ಊರಿ

ಕಿತ್ತಾಡುತ ಕೂತರು ಕುರ್ಚಿಯ ಏರಿ

ಎಣಿಸುತ ಜನ ಜನ , ಜಾತಿಯ ಚೂರಿ

ಹಗಲೆಲ್ಲಾ ನನ್ನ ಗುಂಪು , ನಿನ್ನ ಗುಂಪು

ಇರುಳಲ್ಲಿ ಗುಂಪುಗಳೆಲ್ಲಾ ಒಂದೇ ಗುಂಪು

ಏರಿಸಿ ಬೆಲೆಯ ನಾಲ್ಕು ಪಾಲು , ಅದು ತಪ್ಪು

ಇಳಿಸಿ ಎರಡು ಪಾಲು , ಅಯ್ಯೋ ಜನ ಬೆಪ್ಪು

ಯೋಚನೆ ಮಾಡು ಓ ಮನುಜ

ಯಾವುದು ಸರಿ ಯಾವುದು ತಪ್ಪು .. !!

|| ಪ್ರಶಾಂತ್ ಖಟಾವಕರ್ ||